Nyasa

*ಈ ಮುದ್ದು ಕೃಷ್ಣನ ಕ್ಷಣದ ಸುಖವೇ ಸಾಕೋ.....* ಜೀವನದ ದಿನದ ಸಾರ್ಥಕ ಕ್ಷಣಗಳು ಕೆಲವಾದರೂ ಇರಬೇಕು ಎಂದರೆ "ಶ್ರೀಕೃಷ್ಣ ಪರಮಾತ್ಮನ ಕ್ಷಣದ ನೋಟ, ಒಂದೇ ಮಾತಿನ ಉಪದೇಶ, ಕೃಷ್ಣ ಎಂಬೆರಡಕ್ಷರದ ಶ್ರವಣ, ಕೆಲಕ್ಷಣದ ಚಿಂತನ, ಒಂದರೆ ಆಜ್ಙಾಪಾಲನ" ಇವುಗಳು ಇದ್ದರೆ  ಸಾಕು. ಯೋಗ್ಯನೇ ಆಗಿದ್ದರೆ ಮಹಾ ಮೋಕ್ಷಾದಿ ಪುರುಷಾರ್ಥರೂಪ ಸಾರ್ಥಕವೇ ಆಗುತ್ತದೆ.  ಇಲ್ಲವೋ ಪಾಪಕಳೆದು ಪುಣ್ಯ ಕೊಟ್ಟು ಸುಖವಾಗಿ ಇರಿಸುತ್ತದೆ, ಅಂತೆಯೇ ಶ್ರೀ ವಾದಿರಾಜರು *ಈ ಮುದ್ದು ಕೃಷ್ಣನ ಕ್ಷಣದ ಸುಖವೇ ಸಾಕೋ* ಎಂದರು.  ಯೋಗ್ಯನಾಗಿರಬೇಕು, ಯೋಗ್ಯತೆ ಇರಬೇಕು ಇದು ನೂರರಷ್ಟು ನಿಜ.  *ದುರ್ಯೋಧನ - ಅರ್ಜುನ* ಭೀಷ್ಮ, ದ್ರೋಣ, ವಿದುರ, ಧೃತರಾಷ್ಟ್ರ, ಮೈತ್ರೇಯರು, ಈ ಎಲ್ಲ ಮಹನೀಯರುಗಳು ದುರ್ಯೋಧನನಿಗೆ ಮಾಡಿದಷ್ಟು ಉಪದೇಶ ಇನ್ಯಾರಿಗೂ ಮಾಡಿರಲಿಕ್ಕಿಲ್ಲ. ಮಹಾಭಾರತದಲ್ಲಿಯೂ ಸಿಗುವದಿಲ್ಲ. ಆದರೆ ಈ ಎಲ್ಲ ಉಪದೇಶ ಬೋರ್ಬಂಡೆಯ ಮೇಲೆ ನೀರು ಚೆಲ್ಲಿದಂತಾಯ್ತು.  ಅದೇ ಶ್ರೀಕೃಷ್ಣ ಪರಮಾತ್ಮ ಹದಿನೆಂಟು ಅಧ್ಯಾಯದ ಗೀತೆಯನ್ನು ಹೇಳಿ  *....ತಸ್ಮಾದ್ಯುಧ್ಯಸ್ವ ಭಾರತ*  ಅರ್ಜುನ..!! ಅರ್ಜುನ ನೀನು ಯುದ್ಧಮಾಡು ಎಂದಿಷ್ಟು ಹೇಳಿದ. ಯುದ್ಧಕ್ಕೆ ಸಿದ್ಧನೇ ಆದ. ಇದು ಕೃಷ್ಣಪರಮಾತ್ಮನ *ಕ್ಷಣದ ಉಪದೇಶದ* ಫಲ.  *ನಾವು - ಪರೀಕ್ಷಿತ* ಹುಟ್ಟಿದಾಗಿನಿಂದ ಎಷ್ಟು ಜನ್ಮಗಳಲ್ಲಿ ಭಾಗವತ ಕೇಳಿದ್ದೇವೆಯೋ ಗೊತ್ತಿಲ್ಲ. ಎ...

* ಆಪತ್ತುಗಳ ಸುಳಿಯಲ್ಲಿ.......* ಆಪತ್ತುಗಳು ಸಹಜ. ಆಪತ್ತುಗಳ ಪರಿಹಾರವೂ ಅಷ್ಟೇ ಸರಳ. ಆದರೆ ಆಪತ್ತುಗಳನ್ನೇ ಪ್ರೀತಿಸುವದರಿಂದ ಪರಿಹಾರವೂ ಕಷ್ಟವಾಗಿದೆ. ಪರಿಹಾರೋಪಾಯವೂ ತಿಳಿಯದಾಗಿದೆ.  *ಆಪತ್ತುಗಳು ಎಷ್ಟುವಿಧ... ಹೇಗೆ ಬರುತ್ತವೆ* ಒಂದು ತರಹದ ಆಪತ್ತುಗಳು ನಮ್ಮ ಪ್ರಾರಬ್ಧಕರ್ಮಾನುಸಾರ. ಮತ್ತೊಂದು ತರಹದ ಆಪತ್ತುಗಳು ನಮ್ಮ ಕೈಯಿಂದಲೇ ತಂದುಕೊಂಡಿರುವಂತಹದ್ದು. ಇನ್ನೊಂದು ದೇವರೇ ಕೊಟ್ಟಿರೋದು. ಹೀಗೆ ಮೂರು ವಿಭಾಗವಾಗಿ ಆಪತ್ತುಗಳನ್ನು ವಿಭಜಿಸಬಹುದು.  *೧) ಪ್ರಾರಬ್ಧ ಕರ್ಮಾನುಸಾರ ಆಪತ್ತುಗಳು....* ಇಂದು ನಾವು ಏನು ಅನುಭವಿಸಿದರೂ ಪ್ರಾರಬ್ಧ ಕರ್ಮಾನುಸಾರವೇ ಇದರಲ್ಲಿ ಕಿಂಚಿತ್ತೂ ಸಂಶಯವಿಲ್ಲ. ಎಲ್ಲದರಲ್ಲಿ ಆಪತ್ತುಗಳೂ ಒಂದು. ಅವುಗಳೂ ಪ್ರಾರಬ್ಧಕ್ಕೆ ಅನುಗುಣವಾಗಿಯೇ ಬರುವಂತಹದ್ದು.  *೨) ಆಪತ್ತುಗಳನ್ನು ನಾನೇ ತಂದುಕೊಳ್ಳುವದು.....* ಎಂದಿಗೂ ಆಪತ್ತುಗಳ ಸುಳಿಯಲ್ಲಿ ಬೀಳುವದನ್ನೂ ಯಾರೂ ಅಪೇಕ್ಷಿಸರು. ಆದರೆ ಯಾರಿಗೆ ಸಹನೆ ತಾಳ್ಮೆಗಳಿಲ್ಲವೋ ಅವರು ಆಪತ್ತುಗಳನ್ನು ಎಳೆದುಕೊಳ್ಳುತ್ತಾರೆ.... ಹೇಗದು...?? ಕ್ರಮಬದ್ಧ ಜೀವನದಲ್ಲಿ ಶಿಸ್ತುಕ್ರಮವನ್ನು ಅನುಸರಿಸಿದಾಗ ಯಾವ ಆಪತ್ತುಗಳಿರದು.  ಯಾವಾಗ ಶಿಸ್ತು ಕ್ರಮವನ್ನು ಮೀರಿದನೋ ಆರಂಭವಾದವು ಆಪತ್ತುಗಳ ಸುರುಮಳಿ.  ರಸ್ತೇ ನಿಯಮ ಪಾಲಿಸುವದು ಧರ್ಮ. ಆ ನಿಯಮವನ್ನು ಯಾವಾಗ ಘಾಳಿಗೆ ತೂರಿದನೋ, ಆಪತ್ತುಗಳು ...

*ಓಡುವದು ಬೇಡ.... ನಿಲ್ಲೋಣ... ಎದುರಿಸೋಣ* ವಿದ್ಯಾಪೀಠದಲ್ಲಿ ಇರುವಾಗ ಆಟ ಓಟಗಳಲ್ಲಿಯೂ ತುಂಬ ಅಭಿರುಚಿ. ಬೇಳಿಗ್ಗೆ ನಾಲಕು ಗಂಟೆಗೆ ಇಂದ ಒಂದು ಗಂಟೆಯ ಕಾಲ ಅನೇಕ ವರ್ಷಗಳವರೆಗೆ ರನ್ನಿಂಗ್ ಮಾಡಿಸುತ್ತಿದ್ದರು. ಅದರಲ್ಲಿ ಅನೇಕ ಹಿರಿಯರೂ ಕಿರಿಯರೂ ಭಾಗವಹಿಸುತ್ತಿದ್ದರು.  ಒಂದು ದಿನ ಬೆಳಗ್ಗಿನ ಝಾವಾ ಓಡ್ತಾ ಇದ್ದೇವೆ, ನಾಯಿಗಳ ಗುಂಪು ನಮ್ಮನ್ನು ಅಟ್ಟಿಸಿಕೊಂಡು ಬಂತು. ನಾವು ಇನ್ನೂ ಜೋರಾಗಿ ಓಡಿದೆವು, ಅವುಗಳೂ ಇನ್ನೂ ಜೋರಾಗಿ ಅಟ್ಟಿಸಿಕೊಂಡು ಕಡಿಯಲೇ ಬಂದವು. ಆಗ ನಮ್ಮಕಿಂತಲೂ ಮೊದಲೇ ಹೊರಟ ಕೆಲ‌ಹಿರಿಯರ ಗುಂಪು ಬಂತು. ಅವರು ಹೇಳಿದರು *ಏ ಗೋಪ್ಯಾ !!!* "ಓಡಬೇಡ ಮೊದಲು ನಿಲ್ಲು...." ಎಂದರು. ನಿಂತೆವು. ಮಜಾ ಅಂದರೆ ನಾವು ನಿಂತ ಕ್ಷಣಕ್ಕೇ ಓಡಿ ಬರುತ್ತಿರುವ ನಾಯಿಗಳೂ ನಿಂತವು. ಆಗ ಆ ಹಿರಿಯರು ಅಂದರು "ಆ ನಾಯಿಗಳನ್ನು ಎದುರಿಸು..." ಎಂದು. ಧೈರ್ಯದಿಂದ ಎದುರಿಸಿದೆವು, ಆ ನಾಯಿಗಳೋ ಕೆಲ‌ಕ್ಷಣದಲ್ಲಿಯೇ  ದಿಕ್ಕಪಾಲಾಗಿ ಓಡಿ ಹೋದವು. ಇದು ಅಂದು ನಡೆದ ನೈಜ ಘಟನೆ. ಆದರೆ ಇಂದು ನಿಜವಾಗಿ ಜೀವನದ ಪಾಠವೂ ಆಗಿದೆ...  ಇಂದು ನಮ್ಮ ಜೀವನದಲ್ಲಿ ಆಪತ್ತುಗಳು ಬರುತ್ತವೆ, ಕಷ್ಟಗಳೂ ಬರುತ್ತವೆ, ಅನೇಕ ಉತ್ತಮೋತ್ತಮ ಕಾರ್ಯಗಳಲ್ಲಿ ಕಂಟಕಗಳೂ ಬರುತ್ತವೆ, "ಭಯ ವಿಹ್ವಲರಾಗಿ ಓಡಿ ಹೋಗದೆ, ದೃಢ ನಿಷ್ಠೆಯಿಂದ ಎದುರಿಸಿದೆವು ಎಂದಾದರೆ ಆ ನಾಯಿಗಳಂತೆ ಇವೆಲ್ಲವೂ ಓಡಿಹೋಗುತ್ತವೆ....." ಇದು ಅಷ್ಟೇ ನ...

*ಸು-ನಮೋ  ಸುನಾಮಿ....* ದೇಶಹ ಹಾಳು ಮಾಡುವ, ದೇಶವನ್ನು ಕೊಳ್ಳೆ ಹೊಡೆಯುವ *ಸುನಾಮಿ* ಗಳೇನಕ ಬರುತ್ತಿದ್ದವು. ಆದರೆ ನಿನ್ನೆ ಬಂದ *ಸುನಾಮಿ*  ದೇಶದ ಮನ ಮನೆಗಳಲ್ಲಿ ಆಕ್ರಮಿಸುವ, ದೇಶ ರಕ್ಷಿಸುವ, ದೇಶದ ಕೀರ್ತಿ ಪತಾಕೆಯನ್ನು ಜಗದಿ ಹರಡಿಸುವ, ಭ್ರಷ್ಟರ ಹುಟ್ಟಡಗಿಸುವ, ಕೇಸರಿಮಯವಾದ, *ಸು* ಪ್ರಾಮಾಣಿಕವಾದ *ನಮೋ* ಎಂಬ *ಸುನಾಮಿ* ದೇಶದ ಮೂಲೆ ಮೂಲೆಗೂ ತನ್ನ ಅಲೆಗಳಿಂದ ತಂಪೆರಗಿದೆ.  ರಾಷ್ಟ್ರವಾದವನ್ನು ಬಿಗಿದಪ್ಪಿದ, ದೇಶದರಕ್ಷಣೆಯೇ ನಮ್ಮ ಧ್ಯೇಯ ಎಂದು ನಿಶ್ಚಯಿಸಿ  ಜಾತಿವಾದವನ್ನು ಮೂಲೆಗೆ ಸರಿಸಿದ. ಧೈರ್ಯ ಹಾಗೂ ಶೌರ್ಯದ ಅನೇಕ ನಿರತಣಯಗಳನ್ನು ತೆಗೆದುಕೊಂಡು ಯಶಸ್ವಿಯೂ ಆದ *ಸು-ನಮೋ ಸುನಾಮಿ* ಯಂತೆ ಅಬ್ಬರಿಸಿದ ನಮ್ಮ ಪ್ರೀತಿಯ ಆದರದ *ಪ್ರಧಾನಮಂತ್ರಿಯೂ ಆದ "ಮೋದಿಜಿ" ಅವರಿಗೆ* ಮತ್ತೊಮ್ಮೆ ಪ್ರಚಂಡ ಬಹುಮತದಿಂದ ಪ್ರಧಾನಿಯಾಗಿರುವದಕ್ಕೆ ಹರುಷದ ಶುಭಾಷಯಗಳನ್ನು ಹೇಳೋಣ.  ವೇದ ಸ್ಮೃತಿ ಇತಿಹಾಸಗಳ ಅನೇಕ ಕಥೆ ನಿದರ್ಶನಗಳನ್ನು ಅಧ್ಯಯನ ಮಾಡಿದ, ಆಧ್ಯಾತ್ಮಿಕತೆಯಲ್ಲಿ ಒಲವು ಹೊಂದಿದ, ದುರ್ಗಾ ಶಿವ ಆರಾಧಕನೂ ಆದ, ಅಂತೆಯೇ  ದೇಶದಮೇಲೆ ಅಪಾರ ಗೌರವ ಪ್ರೀತಿ ಹೊಂದಿದ, ದೇಶದ ಸಮಸ್ತ ನಾಗರಿಕರ ಬಂಧು ಎಂದು ಬಿಂಬಿಸುವ, ವಿದೇಶದ ವಿದೇಶಗಳ ಪ್ರತಿನಿಧಿಗಳಿಗೂ ಅತ್ಯಂತ ಆಪ್ತರಾಷ್ಟ್ರವನ್ನಾಗಿ ಮಾಡಿದ, ಹಿಂದಿನ ರಾಜರುಗಳಂತೆ ಸಮಸ್ತ ದೇಶದ ರಕ್ಷಣೆಯ ಸಂಪೂರ್ಣ ಜವಾಬ್ದಾರಿ ಹೊತ್ತವರು ನಮ್ಮ ಮೋದಿಜಿ...

*ಆಧ್ಯಾತ್ಮಿಕತೆಯ ಸಂಪರ್ಕ ಕೆಲ ಹೊತ್ತಾದರೂ ಇರಬೇಕು...* ಭವ್ಯ ಭಾರತೀಯ ತತ್ವಜ್ಙಾನದ ಮೂಲ ಆಧ್ಯಾತ್ಮಿಕತೆ. ಹೊರಗಿನ ನೂರಾರು ಬಲಗಳು ಒಂದೆಡೆಯಾದರೆ, ಮತ್ತೊಂದೆಡೆ ದೈವ ಬಲ ಹಾಗೂ ಆಧ್ಯಾತ್ಮಿಕ ಬಲಗಳು ಮಾತ್ರ. ಕೊನೆಗೆ ಆಸರೆಯಾಗುವದು ಆಧ್ಯಾತ್ಮಿಕ ಬಲವೇ.... ಪ್ರತಿಕೂಲವಾದ ಎಲ್ಲ ಬಲಗಳನ್ನೂ ಮೆಟ್ಟಿನಿಲ್ಲುವ ಸಾಮರ್ಥ್ಯವಿರುವದು ಕೇವಲ ಆಧ್ಯಾತ್ಮಿಕ ಬಲಕ್ಕೆ ಮಾತ್ರ. ಕೆಲೊಂದು ಸಲ ದೈವೀ ಬಲವನ್ನೂ ಆಧ್ಯಾತ್ಮಿಕ ಬಕ ಬದಲಾಯಿಸುತ್ತದೆ.  ಆತ್ಮನಿಷ್ಠವಾದ ವಿಚಾರಗಳು ಅಧ್ಯಾತ್ಮ. ಆತ್ಮನಿಷ್ಠ ವಿಚಾರಗಳನ್ನು ಅಂದರೆ ಮುಖ್ಯವಾಗಿ ಪರಮಾತ್ಮನನ್ನು  ಹೊರತೋರುವಂತೆ ಆತ್ಮನಲ್ಲಿ ಅಭಿವ್ಯಕ್ತಪಡಿಸಿದಾಗಲೇ ಆತ್ಮ ಬಲಿಷ್ಠನಾಗುತ್ತಾನೆ.  ದಿನದ ಅಥವಾ ಈ ಜೀವನದ ಸಂಘರ್ಷಗಳಿಂದ ಶ್ರಾಂತವಾದ ಈ ದೇಹಕ್ಕೆ,  ಪ್ರಶಾಂತವಾದ ಏಕಾಂತವಾದ ಕೆಲಹೊತ್ತಿನ ನಿದ್ರೆ  ಬಲ ಉತ್ಸಾಹಗಳನ್ನು ಕೊಟ್ಟರೆ....  ಅನಾದಿಯಿಂದ crush ಸಂಘರ್ಷಗಳಿಗೆ ಬಲಿಯಾದ ಈ ಆತ್ಮನಿಗೆ ಶಾಂತಿ ಉತ್ಸಾಹಗಳನ್ನು ತುಂಬುವದೇ ಈ ಅಧ್ಯಾತ್ಮ. ಹಾಗಾಗಿ ನಿತ್ಯದಲ್ಲಿಯೂ ಕೆಲ ಹೊತ್ತಾದರೂ ಆಧ್ಯಾತ್ಮದೆಡೆಗೆ ಮನಸ್ಸು ಮಾಡುವದುಚಿತ.... ನಮ್ಮ ತನವನ್ನು ಬಿಡದಂತೆ ಅನಿರತ  ಕಾಪಾಡುವದು ಆಧ್ಯಾತ್ಮಿಕ ಬಲ ಮಾತ್ರ. ಹಿಂದೆ ಎಲ್ಲ ತರಹದ ಪಾಖಂಡ ಮತಗಳ information ತತ್ವಜ್ಙಾಗಳನ್ನು ಅನೇಕರು  ಪಡೆದುಕೊಂಡಿದ್ದರೂ ಆ ಯಾವ ಮತಗಳಿಗೂ ಬಲಿಯಾಗದೆ...

*ಅಂದಿನ ಇತಿಹಾಸ ಪುರಾಣಗಳು - ಇಂದಿನ ದಾರಾವಾಹಿಗಳು* ಹಿಂದು ಅನೇಕ ನಡೆದ ಅನೇಕ ನೈಜ  ಘಟನೆಗಳನ್ನು ಕಥೆಯಲ್ಲಿ ಗ್ರಂಥಗಳ ಮುಖಾಂತರ ಬರೆದಿಟ್ಟಿರುತ್ತಿದ್ದರು ಆ ಗ್ರಂಥಗಳು ಇತಿಹಾಸ ಪುರಾಣಗಳು ಎಂದು ಪ್ರಸಿದ್ಧವಾದವು. ಅವುಗಳೇ *ಮಹಾಭಾರತ ಹಾಗೂ ಭಾಗವತ ಮೊದಲಾದ ಗ್ರಂಥಗಳು.*  ಇಂದು ಕಾಲ್ಪನಿಕವಾದ ನಮ್ಮ ಬುದ್ಧಿಗೆ ತೋಚಿದ ವಿಷಯಗಳನ್ನು ಹೆಣೆದು ಅತ್ಯಂತ ರೋಚಕತೆ ಹುಟ್ಟಿಸುವಂತೆ ಮಾಡಿ, ಆಕರ್ಷಣೀಯವಾಗಿರುವಂತೆ ನೋಡಿಕೊಂಡು ಹೆಣೆದು ಬರೆದವುಗಳೇ *ಇಂದಿನ ಧಾರಾವಾಹಿಗಳು.* ಇಂದು ನಮಗೆ ಧಾರಾವಾಹಿಗಳಲ್ಕಿ ಇರುವ ಅತೀ ಆಸಕ್ತಿ ಮಹಾಭಾರತ ಭಾಗವತದಲ್ಲಿ ಇಲ್ಲ. ನಿತ್ಯದಲ್ಲಿಯೂ ಅತ್ಯಂತ ಆಸಕ್ತಿಯಿಂದ ಧಾರಾವಾಹಿಗಳನ್ನು ನೋಡುವದರಿಂದ ಅದರ ಪರಿಣಾಮಗಳು ನಮ್ಮ ಮೇಲೆ ಇಂದು ತುಂಬಾ ಕಾಣುತ್ತಿದ್ದೆವೆ.  ಅದುವೇ ಅತೀ ಆಸಕ್ತಿಯಿಂದ  *ಮಹಾಭಾರತ - ಭಾಗವತ* ಇವುಗಳನ್ನು ಆಲಿಸಿದ್ದರೆ ಆ ಗ್ರಂಥಗಳ ಪರಿಣಾಮ ನಮ್ಮ‌ ಮೇಲೆ ಚೆನ್ಬಾಗಿ ಆಗುತ್ತಿತ್ತು....  *ಧಾರಾವಾಹಿ - ಭಾಗವತ* ಇಂದು ಧ್ರುವರಾಜನ ಭಾಗವತದ ಒಂದು ಕಥೆ ತೆಗೆದುಕೊಳ್ಳೋಣ. ಮಲತಾಯಿಯಾದ ಸುರೂಚಿ ಧೃವಮಹಾರಾಜನಿಗೆ ಅವಮಾನ ಮಾಡುತ್ತಾಳೆ. ಪ್ರಸಿದ್ಧ ಕಥೆ. ಈ ಕಥೆ ಇಂದಿನ ಧಾರಾವಾಹಿಗಳಲ್ಲಿ ನಾವು ಕಂಡಿದ್ದರೆ, ಸೂರೂಚಿಯನ್ನು ಹೇಗೆ ಪೀಡಿಸಬೇಕು, ರಾಜ್ಯವನ್ನು ಹೇಗೆ ಕಸಿದುಕೊಳ್ಳಬೇಕು, ತಂದೆಯಾದ ಉತ್ತಾನಪಾದನಿಗೆ ಹೇಗೆ ಪೀಡೆ ಕೊಡಬಹುದು, ಇವುಗಳಿಗೆ ಸುನ...

*ದೇವನು ನಮ್ಮ  ಕೈಯಲಿ ಬಂದ ಎಂದಾದರೆ ವಿಘ್ನಗಳೆಲ್ಲಿ.....* ಇಂದು ವಿಘ್ನಗಳು ಸಾಮಾನ್ಯವಾಗಿ ನಮಗೇ ಇವೆ. ವಿಘ್ನಗಳಿಗೆ ಆಗರರು ನಾವೇ ಆಗಿದ್ದೇವೇ. ವಿಘ್ನಗಳು ನಮ್ಮನ್ನೇ ಅರಿಸಿ ಬರುತ್ತವೆ. ಅಂತೆಯೇ ಸಂಧ್ಯಾವಂದನೆ ಗಾಯತ್ರೀಜಪ ದೇವರ ಪೂಜೆ ಮೊದಲು ಮಾಡಿ ಎಲ್ಲ ಸತ್ಕಾರ್ಯಗಳಿಗೂ ನಮ್ಮನ್ನು ಪ್ರೀತಿಯಿಂದ ಎದುರುಗೊಳ್ಳುವದು  ವಿಘ್ನಗಳೇ ಮೊದಲು.  *ವಿಘ್ನಗಳು ಏಕೆ ಬರುತ್ತವೆ....* ಯಾರ ಬೆನ್ನಿಗೆ ಪುಣ್ಯವಿಲ್ಲ, ಯಾರಿಗೆ ಧರ್ಮದ ಬಲವಿಲ್ಲ, ಯಾರು ಪಾಪಗಳನ್ನೇ ಹೆಚ್ಚೆಚ್ಚು ಮಾಡಿದ್ದಾನೆ,  ಯಾರು ದೇವರಿಂದ ದೂರಿದ್ದಾನೆ ಮತ್ತು ಯಾರನ್ನು ದೇವ ಹತ್ತಿರ ಮಾಡಿಕೊಳ್ಳಬೇಕು ಎಂದು ಬಯಸಿದ್ದಾನೆ ಅವರಿಗೇ ವಿಘ್ನಗಳು ಬರುವದು ಸಹಜ.  ಕೊನೆಯದಂತೂ ನಾವಾಗಲು ಸಾಧ್ಯವಿಲ್ಲ. ದೇವರು ನಮ್ಮನ್ನು ತನ್ನವರನ್ನಾಗಿ ಮಾಡಿಕೊಳ್ಳುವಷ್ಟು ನಾವು ದೇವರನ್ನು ಪ್ರೀತಿಸಿಯೇ ಇಲ್ಲ ಆದ್ದರಿಂದ ನಾವಂತೂ ಆಗಲು ಸಾಧ್ಯವಿಲ್ಲ. ನಮಗೆ ವಿಘ್ನಗಳು ಇವೆ ಎಂದರೆ ಮೇಲಿನವುಗಳಲ್ಲಿಯೇ ಒಂದು ಕೆಟಗೆರಿಯಲ್ಲಿ ನಾವು ಬಂದಿರುತ್ತೇವೆ..  *ನಮಗೆ ವಿಘ್ನಗಳ ಪರಿಹಾರ ಹೇಗೆ.... ????* ಧರ್ಮ ಮಾಡುವದು, ತಪ್ಪಸ್ಸು ಆಚರಿಸುವದು, ಪುಣ್ಯವಂತನಾಗಿ ಬಾಳುವದು, ದೇವರವನಾಗಿ ಇರುವದರಿಂದಲೇ ನಮ್ಮ ವಿಘ್ನಗಳನ್ನು ಪರಿಹರಿಸಿಕೊಳ್ಳಬಹುದು. *ಇದೆಲ್ಲದರ ಮೇಲೆ ನಿರಂತರ ದೇವರ ಆರಾಧನೆ ಮಾಡಿ, ಭಕ್ತಿಮಾಡಿ, ಸೇವೆಯನ್ನು ಮಾಡಿ, ದೇವರ ಭೃತ್ಯನೆ...