Nyasa

 *ಧರ್ಮ ಅಧರ್ಮಗಳ ಯುದ್ಧ* ಧರ್ಮಾಧರ್ಮಗಳ ಯುದ್ಧ ಇಂದಿನದು ಅಲ್ಲ ಅನಾದಿಯಿಂದ ಇರುವಂತಹದ್ದು. ಅನಾದಿಯಿಂದ ವೇದಗಳಿವೆ. ವೇದೋಕ್ತವಾದವುಗಳೇ ಧರ್ಮಾಧರ್ಮಗಳು. ಹಾಗಾಗಿ ಅನಾದಿಯಿಂದ ಘರ್ಷಣೆ ಇರುವಂತಹದ್ದೇ.  ದೈವೀಶಕ್ತಿ ಹೆಚ್ಚಾದಾಗ, ಧರ್ಮಜಾಗೃತಿ ಪಸರಿತವಾದಾಗ ಧರ್ಮಕ್ಕೇ ಗೆಲುವು. ದುಷ್ಟಶಕ್ತಿ ಹೆಚ್ಚಾದಾಗ, ಆಧಾರ್ಮಿಕತೆಗೇ ಬೆಂಬಲ ಹೆಚ್ಚಾದಾಗ ಅಧರ್ಮಕ್ಕೇ ಗೆಲವು. ಆದರೆ ಕೊನೆಗೆ ಹಾಗೂ ಶಾಶ್ವತವಾಗಿ ಇರುವ ಗೆಲವು ಎಂದರೆ ಅದು ಧರ್ಮಕ್ಜೇನೇ.  *ಧರ್ಮ ನೇರ ಹಾಗೂ ನಿಷ್ಠುರ* ಧರ್ಮ ಎಂದಿಗೂ ತುಂಬ ನೇರ ಹಾಗು ಬಲು ನಿಷ್ಠುರ. ಅಂತೆಯೇ ವಿರೋಧಿಗಳು ತುಂಬ. ಈ ವಿರೋಧಿಗಳು ಒಂದಾದಾಗ ಧರ್ಮಕ್ಕೆ ಪರಾಭವ. ಈ ಎಲ್ಲ ವಿರೋಧಿಗಳನ್ನು ಸೆದೆಬಡೆಯಲು ಬೇಕು ಧಾರ್ಮಿಕ ಶಕ್ತಿ, ದೈವೀ ಶಕ್ತಿ. ಅವೆರಡೂ ಬಂದಾಗ ಬಲಿಷ್ಠ ಧರ್ಮ. ಆಗ ವಿರೋಧಿಗಳು ನೂರು ಇದ್ದರೂ ಅನಾಯಾಸೇನ ಅಧರ್ಮವನ್ನು ಚಂಡಾಡಿ ಧರ್ಮ ಸ್ಥಾಪನೆಯಾಗುತ್ತದೆ.  *ಕೆಲ ಧಾರ್ಮಿಕರ compromise* ನಿಷ್ಠುರರಲ್ಲದ ಕೆಲ ಧಾರ್ಮಿಕರು ಇರುತ್ತಾರೆ. ಅವರ ಸ್ವಭಾವ ಕೆಲೊಮ್ಮೆ ಹೊಂದಾಣಿಕಯನ್ನು ಮಾಡಿಕೊಂಡಿರುತ್ತಾರೆ. ನಿಷ್ಠುರರು ಅಲ್ಲ. ನೇರವಾಗಿಯೂ ಇರುವದಿಲ್ಲ. ಆದರೆ ನಿಷ್ಠುರವಾದ ಹಾಗೂ ನೇರವಾಗಿ ಇರುವ ಧರ್ಮ ಹೊಂದಾಣಿಕೆಯ ಧಾರ್ಮಿಕರನ್ನು ಅವಮಾನಿಸಿತೂ ಎಂದಾದರೆ, ಆಗ ಆ ಹೊಂದಾಣಿಕೆಯ compromise ಧಾರ್ಮಿಕರು ಅಧರ್ಮಕ್ಕೆ ಒಲ್ಲದ ಮನಸ್ಸಿನಿಂದಲೇ ಸಪೋರ್ಟ್ ಮಾಡುವ ಸ್ಥಿತಿಗೆ ಬಂದಿಳಿದು ಬಿಡುತ...

  ಗುರಿಸಾಧಿಸುವ ಛಲ..... ಪುಸಿಹೋಗದು ಗುರಿ ಸಾಧಿಸುವ ಛಲಗಾರ ಎಂದೂ ಸೋಲನ್ನು ಸುಲಭದಲ್ಲಿ ಒಪ್ಪೊಕೊಳ್ಳಲಾರ. ಎಷ್ಟು ಸಲ ಸೋತರೂ ಗೆದ್ದರೆ ಬರುವೆ ಎಂಬ ಹುಮ್ಮಸಿನಿಂದಲೇ ಕಣಕ್ಕೆ ಇಳಿಯುತ್ತಾನೆ.  ಕೊನೆಗೆ ಒಂದು ದಿನ ಗೆದ್ದು ಬರುತ್ತಾನೆ.  ಪ್ರಯತ್ನಶೀಲ ಪುರುಷ "ಗುರಿ ಸಾಧಿಸಲು ಸೋಲುಗಳೆ ಮೊದಲು ಮೆಟ್ಟಲುಗಳು" ಎಂದೇ ಭಾವಿಸಿರುತ್ತಾನೆ. ಕೊನೆಗೆ ಉತ್ತುಂಗಕ್ಕೇರುವವನೂ ಆ ಪ್ರಯತ್ನಶೀಲನೆ. ಆನುಭಾವಿಕರೊಂದು ಕಥೆ.... ಊರ್ಧ್ವರೇತಸ್ಕರಾದ,  ವಿರಕ್ತ ಶಿಖಾಮಣಿಗಳಾದ, ತ್ರಿಕಾಲಜ್ಙಾನಿಗಳಾದ  ಋಷಿಗಳೊಬ್ಬರು ಕಾಡಿನಲ್ಲಿ  ಸಂಚಾರ ಮಾಡುತ್ತಿರುತ್ತಾರೆ. ಆಷಾಢ ಮಾಸ. ಘೋರ ಮಳೆ. ಮಾರ್ಗಮಧ್ಯದಲ್ಲಿ ಅನೇಕ ತರಹದ ಅನೇಕ ವೃಕ್ಷಗಳು. ಅಲ್ಲಿ ಒಬ್ಬ ದುಷ್ಟ ಒಂದು ಪುಟ್ಟ ವೃಕ್ಷ ಕಿತ್ತುವ ಪ್ರಯತ್ನದಲ್ಲಿ ಇರುತ್ತಾನೆ.  ಋಷಿಗಳು ಕೇಳುತ್ತಾರೆ... ಯಾಕೋ ಗಿಡ ಕೀಳ್ತಾ ಇದ್ದೀ ನಾಚಿಕೆ ಆಗುದಿಲ್ವೆ .. ದುಷ್ಟ.. ಆ ಗಿಡ ಯಾವದಕ್ಕೂ ಉಪಯೋಗಕ್ಕೆ ಬರುವದಿಲ್ಲ. ಅದಕ್ಕಾಗಿ ಕಿತ್ತಿಹಾಕುವೆ .. ಋ.. ಒಂದು ನಿಮಿಷ ಎಂದು ಹೇಳಿ. ಆ ಗಿಡದ ಮುಂದೆ ನಿಂತು ೫ ನಿಮಿಷ ಕಣ್ಣುಮುಚ್ಚಿ ನಿಂತು, ನಂತರ ಹೇಳುತ್ತಾರೆ. ಈ ಗಿಡದ ಜೊತೆ ಮಾತಾಡಿದೆ. ಮುಂದೆ ಅದು ಅತಿ ದೊಡ್ಡ ವೃಕ್ಷವಾಗಿ ಬೆಳೆದು, ಹು ಹಣ್ಣು, ನೆರಳು ಮುಂತಾದವುಗಳನ್ನು ಕೊಟ್ಟು ಹಾದಿ ಹೊಕರಿಗೆ ಅನುಕೂಲ ಮಾಡಿಕೊಳ್ಳುವ ಗುರಿ ಹೊಂದಿದೆ ಅಂತೆ. ಆದ್ದರಿಂದ ಕಿತ್ತಬೇಡ ಎಂದು. ದು......

  ಅನ್ಯರನ್ನು ಪ್ರೀತಿಸದೇ, ಪ್ರೀತಿಸು ದೇವರನ್ನು... ಪ್ರೀತಿಸುವದು ಪ್ರೀತಿ ಎಂಬುದೇನಿದೆ ಜೀವನದ ಅತ್ಯಮೂಲ್ಯ ವಸ್ತು. ಪ್ರೀತಿಎಂಬುವ ಒಂದು ಪದಾರ್ಥವೇ ಇಲ್ಲ ಎಂದಾಗಿದ್ದರೆ‌ ಜೀವರ ಜೀವನವೇ ಇರುತ್ತಿದ್ದಿಲ್ಲ. ಬದಕನ್ನೇ ಪ್ರೀತಿಸುತ್ತಿದ್ದಿಲ್ಲ. "ಬದುಕಿಗೋಸ್ಕರ ಪ್ರೀತಿಯ ಆವಶ್ಯಕತೆ, ಪ್ರೀತಿಯಿಲ್ಲದ ಬದುಕು ಇಲ್ಲವೇ ಇಲ್ಲ" ಇದು ಶಾಶ್ವತ ಸತ್ಯ ಮಾತು. ಪ್ರೀತಿ ಒಂದು ಕಡೆಯಿಂದ ಹರಿಯುವ ವಸ್ತುವಲ್ಲ. ಎರಡೂಕಡೆಯಿಂದ ಹರೆದಾಗ ಪ್ರೀತಿ ಪ್ರೀತಿ ಎನಿಸುತ್ತದೆ. ಬದುಕಿಗೋಸ್ಕರ ಪ್ರೀತಿ ಎಂದಾದಮೇಲೆ ಪ್ರೀತಿಸುವಿಕೆ ಪ್ರೀತಿಸುವದು ಅನಿವಾರ್ಯ.   ಪ್ರೀತಿಸುವದೇ ಆದರೆ ದೇವರನ್ನೇ ಪ್ರೀತಿಸುವ ಆಯ್ಕೆ ಮೊದಲಿರಲಿ. ಯಾಕೆಂದರೆ  ಆ ಪ್ರೀತಿಗೆ ಬರವಿಲ್ಲ. ಎರಡೂಕಡೆ ಇಂದ ಸಾಗುವ ಪ್ರೀತಿಯೇ ನಿಜವಾದ ಪ್ರೀತಿ. ದೇವರ ಕಡೆಯಿಂದ ಪ್ರೀತಿ ಇದ್ದೇ ಇದೆ. ಅಂತೆಯೆ ನಿನ್ನನ್ನು ಸಾಕುವ, ಪೋಷಿಸುವ, ಆಪತ್ತಿನಿಂದ ರಕ್ಷಿಸುವ, ನಿರಂತರ ನಿನ್ನೊಡೆಗೆ ಇರುವ, ಕ್ಷಣಕಾಲ‌ ನಿನ್ನ  ಬಿಟ್ಟು ತೊಲಗ. ನಿನ್ನ ಕಡೆಯಿಂದ ಪ್ರೀತಿ ಅವನಿಗೆ ದೊರೆಯಬೇಕು ಅಷ್ಟೆ. ಆಗ ಪರಿಪೂರ್ಣ ಯಶಸ್ವೀ.  *ದೇವರನ್ನು ನಾವು ಪ್ರೀತಿಸುತ್ತೇವೆಯಾ.....??? ದೇವರು ತುಂಬ ವಿಚಿತ್ರ.....  ನಾವು ಪೂಜಿಸುತ್ತೇವೆ, ದೇವ ಸುಮ್ಮನಿರುತ್ತಾನೆ. ನೈವೇದ್ಯ ಇಡುತ್ತೇವೆ, ದೇವ ಸುಮ್ಮನೇ ಇರುತ್ತಾನೆ. ಆರತಿ ಮಾಡುತ್ತೇವೆ, ಅಲಗುವದಿಲ್ಲ. ಸ್ತುತಿ ಮಾಡುತ್ತೇವೆ, ತಲೆತೂಗುವದಿಲ...

  *ಕಸ... ರಸ* ಕಸ ಮತ್ತು ರಸಗಳು ಕೂಡಿ ಕೂಡಿ ಇರುವಂತಹವುಗಳು. ರಸವಿದ್ದಲ್ಲಿ ಕಸವಿದೆ, ಕಸವಿರುವಲ್ಲಿ ರಸವಿದೆ. ಕಸ ಬಳಿಸಿದಾಗಲೇ ರಸ. ರಸ ಬಳಿಸಿ ಆದಮೇಲೆಯೆ ಕಸ. ಹೀಗೆ ಕಸ ರಸಗಳು ಒಂದಕ್ಕೆ ಒಂದು ಪೂರಕ.  *ಕೈ ಕೆಸರಾದರೆ ಬಾಯಿ ಮೊಸರು.* ಕನ್ನಡ ಪ್ರಸಿದ್ಧ ನಾಣ್ಣುಡಿ. ಕೈ ಕೆಸರಾಗಬೇಕು ಎಂದರೆ ಕಸ ಇರಬೇಕು. ಕಸವಿದ್ದಲ್ಲೇ ಕೆಸರು. ರಸ ಪಡೆಯಬೇಕು ಎಂದಾದರೆ ಕಸದಲ್ಲಿ ಶ್ರಮಿಸಿ, ಕೆಸರಿನಲ್ಲಿ ದುಡಿದಾಗ ಮುಂದೆ ಬಾಯಿಗೆ ಮೊಸರೆಂಬ ರಸ ಸಿದ್ಧ.  ಕೆಲವೊಮ್ಮೆ ಹೀಗಾಗುವದು.. ಕಷ್ಡದ ದಿನಗಳೆ ತ್ಸುನಾನಾಮಿಯಂತೆ ಅಪ್ಪಳಿಸುತ್ತಿರುವಾಗ, ರಸ ತುಂಬ ದೂರದ ಮಾತು. ಕನಸದ್ಸಿನ ಕುದುರೆ, ಅಥವಾ ಹಗಲ್ಗನಸು ಹೀಗೆ ಆಗಿರುತ್ತದೆ. ಈಗಂತೂ ಕರೋನಾಕಾಲ‌ಕಷ್ಟಗಳೂ ಪ್ರಾಣಾಂತಿಕವೇ ಆಗಿದೆ. ಕರೋನಾ ಬಂದರೆ ಸಾವು ಒಂದೆಡೆಯಾದರೆ ದೈನಿಂದಿನ ದುಡಿದು ತಿನ್ನುವವರ ಬದುಕು ಇನ್ನೂ ಘೋರ. ಈ ಪ್ರಸಂಗದಲ್ಲಿ ಕಸವೂ ಇಲ್ಲ. ರಸವೂ ಇಲ್ಲ. ಅನೇಕರ ಸ್ಥಿತಿ ಹೀಗೇ ಇದೆ.  ಕಸವೂ ಇಲ್ಲದ ರಸವೂ ಇಲ್ಲದ ಈ  ದುರವಸ್ಥೇಯಲ್ಲಿ ಮುಣುಗಿದಾಗ, ಕಸದಲ್ಲೇ ನಿಂತು, ತಾವು ತಮ್ಮ ಕೈ ಕಸಮಾಡಿಕೊಂಡು,  ಕ್ಷಣ ಕ್ಷಣಕ್ಕೆ ಬೆಂಬಲವಾಗಿ ಇದ್ದು, ಉತ್ಸಾಹ ತುಂಬಿ, ಭಯ ಹತಾಶೆಗಳನ್ನು ತೊಡಗಿಸಿ, ಕಾನ್ಫಿಡೆಂಟ್ ತುಂಬಿ, ಅನೇಕ ಉಪಾಯಗಳನ್ನು ತೋರಿ, ವಿಘ್ನಗಳನ್ನು ಪರಿಹರಿಸಿ, ದೈವಬಲವನ್ನು ಹೆಚ್ಚಿಸಿ, ನಮಗೆ ರಸ ಸಿಗಲು ತಮ್ಮ ಕೈ ಕೆಸರು ಮಾಡಿಕೊಂಡಿರುತ್ತಾರೆ. ಅಂತಹವರೂ‌ ಇಂದೂ...

  ನವವಿಧ ಭಕ್ತಿಯ ಚಿಂತನೆ : ( ಅರ್ಚನಂ ) ಅರ್ಚಿತ: ಸಂಸ್ಮ್ರುತೊ ಧ್ಯಾತ: ಕೀರ್ತಿತ: ಕಥಿತ: ಶ್ರುತ:| ಯೋ ದದಾತ್ಯಮೃತತ್ತ್ವಂ ಹಿ ಸ ಮಾಂ ರಕ್ಷತು ಕೇಶವ: || ಆಚಾರ್ಯರು ತಾವು ಸ್ವತಃ: ಕೇಶವ ಮೂರ್ತಿಯನ್ನು ಕೊಕ್ಕಡ ಕ್ಷೇತ್ರದಲ್ಲಿ ಬರಗಾಲ ಬಂದಾಗ ಅಲ್ಲಿಯ ಜನರಿಗೆ ಅನುಗ್ರಹಿಸದರು. ಇದು ಆಚಾರ್ಯರು ಕೊಟ್ಟ ಶ್ರೀಕೃಷ್ಣಾಮೃತಮಹಾರ್ಣವ ಗ್ರಂಥದ ಮಂಗಳಾಚರಣ ಶ್ಲೋಕ.  ನವವಿಧ ಭಕ್ತಿ ಕೇಶವನಲ್ಲಿ ಮಾಡಬೇಕು ಎನ್ನುವ ಹಾಗೆ ಈ ಶ್ಲೋಕ ಮೂಡಿಬಂದಿದೆ.  ಶ್ರವಣ ( ಶ್ರುತ:) ಕೀರ್ತನ (ಕೀರ್ತಿತ: ಕಥಿತ:) ಸ್ಮರಣಂ ( ಸಂಸ್ಮ್ರುತ:) ಅರ್ಚನಂ, ವಂದನಂ ... (ಅರ್ಚಿತ:)  ಮತ್ತೆ  ಆತ್ಮನಿವೇದನಂ (ಧ್ಯಾತ:) ಈ ಗ್ರಂಥದಲ್ಲಿ ಪ್ರತಿ ಶ್ಲೋಕವೂ ಪರಮಾತ್ಮನ ಅರ್ಚನೆ ಮಾಡಲೇಬೇಕು ಎನ್ನುವ ಪ್ರಮಾಣಗಳನ್ನು ಸಂಗ್ರಹಿಸಿದ್ದಾರೆ.  ತೇ ನರಾ: ಪಶವೋ ಲೋಕೇ  ಕಿಮ್ ತೇಷಾಮ್ ಜೀವಿತೇ ಫಲಂ | ಯೈರ್ನ ಲಬ್ಧಾ ಹರೇರ್ದೀಕ್ಷಾ ನಾರ್ಚಿತೋ  ವಾ ಜನಾರ್ಧನ :|| ಯಾರು ಜನಾರ್ಧನನನ್ನ ಆರಾಧನೆ ಮಾಡುವುದಿಲ್ಲವೋ , ಹರಿ ದೀಕ್ಷೆ ಹೊಂದುವುದಿಲ್ಲವೋ, ಅವರು ಬದುಕಿದ್ದು ಏನು ಫಲ? ಅಂತಹ ಜನರು ಪಶುಗಳಿಗೆ ಸಮಾನರು.  ನೀಚ್ಚ್ಚ ಸುಭಕುತಿಯೊಳಚ್ಯುತಅಂಘಿ)ಗ  | ಳರ್ಚಿಸಿ ಮೆಚ್ಹಿಸುತ ಅಚ್ಚರದಿ || ...ಫಲವಿದು ಬಾಳ್ದುದಕೆ ನಿಶ್ಚಯವಾಗಿ (ಸು- ಸಮೀಚೀನ ಜ್ಞಾನದಿಂದ) ಬಂದ  ಭಕ್ತಿ ಯಿಂದ ಅಚ್ಯುತನ ಪಾದಗಳನ್ನು ಅರ್ಚಿಸಿ , ಪರಮಾತ್ಮ ಮೆಚ್ಚ...

 *ಶ್ರೀ ಸುಶಮೀಂದ್ರತೀರ್ಥರು* ನಡೆದಾಡುವ ರಾಯರೇ ಎಂದು ಪ್ರಸಿದ್ಧರಾದ, ತಪಸ್ವಿಗಳಾದ, ಸಿದ್ಧಪುರುಷರಾದ, ನಗುಮೊಗದ, ಸದಾ ಅನುಗ್ರಹೋನ್ಮುಖರಾದ, ವೈಯಕ್ತಿಕವಾಗಿ  ನನಗೆ ಮಹಾ ಅನುಗ್ರಹ ಮಾಡಿದ, ಮಹಾಸ್ವಾಮಿಗಳು ಎಂದರೆ ಪ್ರಾತಃಸ್ಮರಣೀಯ ಶ್ರೀಶ್ರೀಸುಶಮೀಂದ್ರತೀರ್ಥರು. ಆ ಮಹಾಗುರುಗಳ ಆರಾಧನಾ ಮಹೋತ್ಸವ ಇಂದು. ಅವರ ಸ್ಮರಣೆ ಪ್ರತಿದಿನದಂದು.  *ಆಶ್ರಮ ಹಾಗೂ ವೃಂದಾವನ* ಬಿಚ್ಚಾಲೆಯ ಸುಕ್ಷೇತ್ರದಲ್ಲಿ, ರಾಯರ ಮೊದಲ ಮೃತ್ತಿಕಾ ವೃಂದಾವನ ಸನ್ನಿಧಿಯಲ್ಲಿ ಶ್ರೀಸುಜಯೀಂದ್ರರಿಂದ ಆಶ್ರಮಪಡೆದ ಧೀರರು. ಇಪ್ಪತ್ತುನಾಲ್ಕುವರ್ಷ ವೈಭವದಜೀವನ ಸಾಗಿಸಿದ ಮಹಾನ್ ಪುರುಷರುವರು. ಇಂದಿಗೂ ರಾಯರ ದಿವ್ಯಸನ್ನಿಧಿಯಿಂದ ಕೂಡಿದ ಮಂತ್ರಾಲಯಕ್ಷೇತ್ರದಲ್ಲಿ ಬಂದಭಕ್ತರೆಲ್ಲರಿಗೂ ಅನುಗ್ರಹಿಸುತ್ತಾ‌ ನೆಲಿಸಿದ ಪುಣ್ಯಾತ್ಮರಿವರು. ನಾನು ಚಿಕ್ಕವನಿದ್ದಾಗ ತಿಳಿದಿದ್ದು ಎಂದರೆ *ಸ್ವಾಮಿಗಳು ಎಂದರೆ ಶ್ರೀಸುಶಮೀಂದ್ರತೀರ್ಥರೊಬ್ಬರೇ* ಎಂದು. 1990 ಆದಮೇಲೆ ತಿಳಿತು ಬೇರೆ ಸ್ವಾಮಿಗಳೂ ಇದ್ದಾರೆ ಎಂದು.  *ಮಹಾತಪಸ್ವಿಗಳು* ನಿರಂತರ ರಾಮದೇವರ ರಾಯರ ಆರಾಧಕರು. ಕ್ಷಮಾ ಸಹನೆ ವಿಷ್ಣುಭಕ್ತಿ ತತ್ವಜ್ಙಾನ ದಯಾ ಕಾರುಣ್ಯ ಕಾಳಜಿ ಇವೆ ಮೊದಲಾದ ನೂರಾರು ಸದ್ಗುಣ ವಿಭೂಷಿತರು. ಒಳಗೆ ಎಷ್ಟು ಕಷ್ಟಗಳಿದ್ದರೂ ನಗುಮುಖ ಕುಂದಿದ್ದು ಎಂದೂ ನೋಡಿಯೇ ಇಲ್ಲ ಎಂದು ಹತ್ತಿರದ ಜನರ ಮಾತಾಗಿತ್ತು. ಅಂದದ್ದು ಆಗಬೇಕು. ನುಡಿದಂತೆ ನಡೆಯಲೇ ಬೇಕು. ಮನಸ್ಸಿಗೆ ಬಂದದ್ದು ಸಾಗಲೇಬೇಕು. ...

 *ನಮ್ಮ ಪಾಲಿನ ಕರುಣೆಯ ಸಾಕಾರಮೂರ್ತಿಗಳು* *ಪರಮಪೂಜ್ಯ ಉತ್ತರಾದಿಮಠಾಧೀಶರು (ಶ್ರೀಶ್ರೀ ೧೦೦೮ ಶ್ರೀಸತ್ಯಾತ್ಮತಿರ್ಥರು)* ಮತ್ತು *ಪೂಜ್ಯ ಮಾಹುಲೀ (ಪಂ. ವಿದ್ಯಾಸಿಂಹಾಚಾರ್ಯರು) ಆಚಾರ್ಯರು* ಈವರೀರ್ವರೂ ನಮ್ಮ ಪಾಲಿನ ಕರುಣೆಯ ಎಂದೂ ಬತ್ತದ ಕಡಲುಗಳು.  *ಅಂದು - ಇಂದು* ಈ ಎರಡು ವರ್ಷಗಳಲ್ಲಿ ಭೀಕರ ಕಷ್ಟಗಳು ಎದುರಾದವು. ಎಲ್ಲರೂ ಅನುಭವಿಸಿದರು. ಅದರಲ್ಲಿ *ಈ ಕರೋನಾ ರಾಕ್ಷಸ* ನಿಂದ ಬಹಳೇ ಕಷ್ಟವನ್ನು ಅನುಭವಿಸಬೇಕಾಯ್ತು. ಇಂದಿಗೆ ಮತ್ತೆ ಹೊಸತರಹದ *ಕರೋನಾ ಸಂಕಟ* ಆರಂಭವಾಗಿದೆ. ಈ ರಾಕ್ಷಸ ದೇಶ, ದೇಶದ ಉನ್ನತ ನಾಗರಿಕರಿಂದಾರಂಭಿಸಿ ಸಣ್ಣ ವ್ಯಕ್ತಿಯವರೆಗೂ ಯಾರನ್ನೂ ಬಿಡಲಿಲ್ಲ. ಎಲ್ಲರನ್ನೂ ಪೀಡಿಸಿದ. ತುತ್ತಿನ ಅನ್ನಕ್ಕೂ ಕುತ್ತು ತಂದ. ಒಂದು ಕಾಸಿಗೂ ಬಾಯಿಬಿಡಿಸಿದ. ರೋಗಿಯನ್ನು ನೋಡಲೂ ಆಗಲಿಲ್ಲ. ವೈದ್ಯರು ಸಿಗಲಿಲ್ಲ. ವೈದ್ಯಕೀಯ ಸಲಕರಣೆಗಳು ಸಿಗಲಿಲ್ಲ. ಎಷ್ಟೋ ಜನರಿಗೆ ಸರಿಯಾದ ಸಮಯಕ್ಕೆ ಕರ್ಮಗಳನ್ನೂ ಮಾಡಲಾಗಲಿಲ್ಲ. ಅತ್ಯಂತ ಘೋರವಾಗಿ ಎಲ್ಲರನ್ನೂ ಇನ್ನಿಲ್ಲದಂತೆ ಪೀಡಿಸಿದ.  ಈ ತರಹದ ಘೋರವಾದ ಪ್ರಸಂಗದಲ್ಲಿ *ಪರಮ ಪೂಜ್ಯರಾದ ಮಹಾಸ್ವಾಮಿಗಳು ಹಾಗೂ ಪೂಜ್ಯರಾದ ಆಚಾರ್ಯರು* ತುಂಬ ಕಳಕಳಿಯಿಂದ ಸಮಾಜದ ಎಲ್ಲ‌ಜನರಿಗೂ ಮಾರ್ಗದರ್ಶನ ಮಾಡಿದರು. ಸಮಾಜದ ಜನರಿಗೋಸ್ಕರ ಜಪ ತಪಗಳನ್ನು ಸ್ವಯಂ ತಾವು  ಮಾಡಿದರು, ಶಿಷ್ಯರೆಲ್ಲರಿಂದ ಮಾಡಿಸಿದರು, ಇಂದಿಗೂ ದೇವರಲ್ಲಿ ಪ್ರಾರ್ಥನೆ ಮೊದಲು ಮಾಡಿ ಏನೆಲ್ಲ ಸಾಧ್ಯವಿದೆ ಎಲ್ಲವನ್ನೂ...