*ಹೇ ದೇವ !!! ಅನ್ನ ಪಾನವನ್ನು ಬಿಟ್ಟವರನ್ನು ನನ್ನವರೆಂದು ಹೇಳಿಕೊಳ್ಳುವಿ, ಅನ್ಯ ವಿಷಯ ಹರಟುವವರನ್ನು ಕಡೆ ನೂಕುವಿ... ಏನಿದೋ ನಿನ್ನ ವ್ಯವಸ್ಥೆ*

-
*ಹೇ ದೇವ !!! ಅನ್ನ ಪಾನವನ್ನು ಬಿಟ್ಟವರನ್ನು ನನ್ನವರೆಂದು ಹೇಳಿಕೊಳ್ಳುವಿ, ಅನ್ಯ ವಿಷಯ ಹರಟುವವರನ್ನು ಕಡೆ ನೂಕುವಿ... ಏನಿದೋ ನಿನ್ನ ವ್ಯವಸ್ಥೆ*

ಅನ್ನ ಪಾನ ಬಿಟ್ಟು, ಅಥವಾ ಅನ್ನ ಪಾನಗಳಿಲ್ಲದೆ (ದಾರಿದ್ರ್ಯದಿಂದ) ನಿರಂತರ ತಪಸ್ಸು ಮಾಡಿದವರನ್ನು ನಿನ್ನವರೆಂದು ಸ್ವೀಕರಿಸುವ ನಿನ್ನ ಮಹಿಮೆ ಅದ್ಭುತವೇ ಸರಿ. ದಾರಿದ್ರ್ಯಾನುಭವ ಅದು ತಪಸ್ಸೇ ಆಗಿರತ್ತೆ. ಅಂತೆಯೇ "ಯಸ್ಯಾನುಗ್ರಹಮಿಚ್ಛಾಮಿ ತಸ್ಯ ವಿತ್ತಂ ಹರಾಮ್ಯಹಮ್" ಯಾರಿಗೆ ಅನುಗ್ರಹ ಮಾಡಲು ಬಯಸುವೆಯೋ ಅವರಿಗೆ ದಾರಿದ್ರ್ಯವನ್ನೇ ಕೊಡುವೆ" ಇದು ನಿನ್ನ ನೀತಿ. 

"ಹಸಿದವನಿಗೆ ಹಳಿಸಿದ ಅನ್ನವೂ ರುಚಿ. ಉಂಡವನಿಗೆ ಪರಮಾನ್ಮವೂ ವಿಷವೇ"  ಹಸಿದವ ದೇವರನ್ನು ನೆನೆಯುತ್ತಾನೆ. ಉಂಡವ ದೇವರನ್ನು ಮರೆತು ನಿದ್ರೆಗೆ ಜಾರುತ್ತಾನೆ. ಇಲ್ಲವೋ ಹಾಳು ಹರಟೆಯಲ್ಲಿ ತೊಡಗುತ್ತಾನೆ. ಆದ್ದರಿಂದಲೇ ಹಸಿದವ ದೇವರಿಗೆ ಬಲುಪ್ರೀತಿ. ಬಿಟ್ಟವನ ಮೇಲೆ ದೇವರಿಗೆ ಹೆಚ್ಚಿನಮಟ್ಟದ ಪ್ರೀತಿ. ಹಸಿದ ವ್ಯಕ್ತಿ ಅನ್ನ ದಾನ ಮೊದಲಾಗಿ ಏನು ಪಡೆದರೂ ಕೈ ಮುಗಿದು ಸ್ವೀಕರಿಸುತ್ತಾನೆ, ತಿಂದು ತೇಗಿದವ ಎಲ್ಲವನ್ನೂ ಅಲ್ಲಿಯೇ ಬಿಸಟು ಬರುತ್ತಾನೆ. 

ಅನ್ಯವಿಷಯದಲ್ಲಿ ಇಳಿದ ವ್ಯಕ್ತಿ ದೇವರಿಂದ ಬಲುದೂರ. ದೇವರ ಹಾಗೂ ದೇವತಾ ಸ್ವಭಾವದವರ ಗುಣ ಮೆಚ್ಚಿದರೆ ಹೊಟ್ಟೆ ಉರಿದುಕೊಳ್ಳುವ.  ದೇವರನ್ನೇ ಕಡೆ ಮಾಡಿಬಿಡುತ್ತಾನೆ. ಅನ್ಯವಿಷಯ ಎಂದರೆ ದೇವರು, ದೇವರವರು, ಶಾಸ್ತ್ರ , ಇವುಗಳನ್ನು ಬಿಟ್ಟು ಯಾವುದೇ ಆಗಿರಬಹುದು. ಆ  ವ್ಯಕ್ತಿ ಯಾರೇ ಇರಬಹುದು. ಎಷ್ಟೇ ಉತ್ತಮನಾಗಿರಬಹುದು.  ದೇವರು ಅವನನ್ನು ಕಡೆ ಮಾಡುವದು ನಿಶ್ಚಿತ.

ಅನ್ನ ಪಾನವನ್ನು ಬಿಟ್ಟ ಅಂಬರೀಷನ ರಕ್ಷಣೆಗೆ  ಕಟಿಬದ್ಧನಾದ, ಅನ್ಯವಿಷಯವ ಬೆಂಬತ್ತಿದ ದೂರ್ವಾಸ ಮುನಿಯನ್ನು ಪೀಡಿಸಿದ. ಇದು ನಿನ್ನ ಭಕ್ತರ ಮೇಲೆ ಮಾಡುವ ಅಪಾರ ಕರುಣೆಯಲ್ಲದೇ ಇನ್ನೇನು... ದೂರ್ವಾಸರು ಅಂಬರೀಷನಗಿಂತಲೂ ಮಹಾ ಭಕ್ತರು ನಿಜ ಆದರೆ ಅಂದು ಅನ್ನ ಪಾನ ಬಿಟ್ಟ ಅಂಬರೀಷನ ಮಹಿಮೆ ತೋರಿಸುವದು ನಿನ್ನ ಮನಸ್ಸಿಗೆ ಬಂದಿತ್ತು. 

ಅನ್ನ ಪಾನವನ್ನ ಬಿಟ್ಟ ಸುದಾಮನಿಗೆ ನೀನೊಲಿದಿ, ಅನ್ಯವಿಷಯಕ್ಕೆ ಜೋತುಬಿದ್ದ ಶತಧನ್ವನನ್ನು ಸಂಹಾರ ಮಾಡಿ ಹಾಕಿದಿ.

ಅನ್ನ ಪಾನ ಬಿಟ್ಟ ಪಾಂಡವರಿಗೆ ಆಪದ್ಬಾಂಧವನಾದಿ, ಅನ್ಯವಿಷಯಕೆ ಜೋತುಬಿದ್ದ ಕೌರವರನ್ನು ಸೆದೆಬಡದಿ.

ಅನ್ನಪಾನ ಬಿಟ್ಟ ವಿಭೀಷಣನಿಗೆ ಒಲಿದು ರಾಜ್ಯವನ್ನಿತ್ತ ಹೇ ಹೆದ್ದೊರೆ, ಅನ್ಯವಿಷಯಕೆ ಜೋತುಬಿದ್ದ ರಾವಣ ಕುಂಭಕರ್ಣರನ್ನು ಹೇಳಹೆಸರೂ ಉಳಿಯದೆ ಹಾಗೆ ಸಂಹಾರಮಾಡಿ ಹಾಕಿದಿ.

ಅನ್ನ ಪಾನಬಿಟ್ಟ ಧೃವ ಪ್ರಲ್ಹಾದರಿಗೆ ಒಲಿದುಬಂದೆ, ಅನ್ಯವಿಷಯವನ್ನೇ ಪ್ರಧಾನವಾಗಿಟ್ಟುಕೊಂಡು ಹಿರಣ್ಯಕಶಿಪುವಿಗೆ ಮಹಾದುಷ್ಟ ಎಂಬ ಶಾಶ್ವತ ಬಿರಿದುಕೊಟ್ಟಿ.

ಹೀಗೆ ನೂರಾರು ದೃಷ್ಟಾಂತಗಳಿಂದ ಒಂದು ಸಿದ್ಧವಾಗುತ್ತದೆ ದೇವರು ಅನ್ನಪಾನಗಳನ್ನು ಬಿಟ್ಟವರನ್ನು ಮಾತ್ರ ಎಡಬಿಡದೆ ಸಂರಕ್ಷಿಸುವ, ತಮ್ಮವನೆಂದು ಸ್ವೀಕರಿಸುವವನೆಂದು. ಅನ್ಯವಿಷಯಾಸಕ್ತರನ್ನು ಸಂಹರಿಪನೆಂದು. 

ನಾವು ಅನ್ನ ಪಾನಗಳನ್ನು ಬಿಟ್ಟು ವಿರಕ್ತರಾಗಿ ಮಹಾತಪಸ್ವಿಗಳಾಗಿ ದೇವರವರಾಗದಿದ್ದರೂ ಕನಿಷ್ಠ ಅನ್ಯವಿಷಯಾಸಕ್ತರಾಗದೇ ದೇವರ ವಿರೋಧಿಗಳ ಗುಂಪಿನಲ್ಲಿ ನಾವಿರದಿದ್ದರೆ ಸಾಕು. ರಕ್ಷಿಸದಿದ್ದರೂ ಕಡೆಮಾಡುದಿಲ್ಲ. ಸುಖಕೊಡದಿದ್ದರೂ ದುಃಖವನ್ನಂತೂ ಕೊಡಲಾರ.

ಅನ್ಯವಿಷಯಗಳ ಹರಟೆಯನ್ನು ಬಿಟ್ಟು  ದೇವರನ್ನು ನೆನೆಯೋಣ. ದೇವರಿಂದ ದೊರಕಿದ್ದನ್ನು ಮೆಲಕು ಹಾಕೋಣ.  ದೇವರವರಾಗುವ ಪ್ರಯತ್ನವನ್ನಂತೂ ಮಾಡೋಣ. ಅವನು ಮಾಡಿದ ಉಪಕಾರ ಊಹೆಗೂ ನಿಲಕದ್ದು. 

*ಸುಲಭರೊಳಗೆ ಅತಿ ಸುಲಭ ದೇವ*

ಅನ್ನ ಬಿಡುವವರು ನಾವಲ್ಲ. ನಮ್ಮಿಂದ ಸಾಧ್ಯವೂ ಇಲ್ಲ. "ಕಣ್ಣಿನಿಂದ ಕಂಡದ್ದೆಲ್ಲ ದೇವರ ಮೂರ್ತಿ ಎಂದು ತಿಳಿ. ಉಂಡು ಉಡ್ಡದ್ದೆಲ್ಲ ದೇವರ ನೈವೇದ್ಯವೆಂದಾಗಲಿ. ತಂಡ ತಂಡದ ವಾರ್ತೆ ವಾರಿಜಾಕ್ಷನ ಕೀರುತಿ, ಗಾಢವಾದ ನಿದ್ರೆ ದೇವರಿಗೆ ನಮಸ್ಕಾರ. ತಿರುಗಾಟವೆಲ್ಲ ಅನೇಕ ಭಗವನ್ಮೂರ್ತಿಗಳ ಪ್ರದಕ್ಷಿಣೆ" ಹೀಗೆ ದಾಸರು ತಿಳಿಸಿದ ಮಾರ್ಗದಲ್ಲಿ   ತಿಳಿದು ಸಾಗಿದರೂ ಸಾಕು ದೊಡ್ಡ ಸಾಧನೆ ಎಮ್ಮಿಂದಾಗುತ್ತದೆ. 

ಅನ್ನ ಮೊದಲಾದದ್ದು ಕೊಟ್ಟಿಲ್ಲ ಎಂದರೆ ಅದು ದೇವರ ಶಾಪವಲ್ಲ. ಅದು ವರವೇ. ಮುಂದೊಂದು ದಿನ ಅನುಗ್ರಹಿಸುವವನು ಇದ್ದೇ ಇದ್ದಾನೇ ಎಂದರ್ಥ. ಬೇಡುವದಿಷ್ಟೇ "ಏನೋ ಒಂದು ಕೊಟ್ಟಿಲ್ಲ ನಿಜ, ಅದಕ್ಕಾಗಿ ಇನ್ನೇನನ್ನೋ ಮಾಡಿಸಬೇಡ" ಕೊಟ್ಟದ್ದು ಅನಂತ, ಕೊಡದಿರುವದು ನಾಲ್ಕು. ಈ ಎಚ್ಚರ ಸದಾ ಇರಿಸು. ಅದುವೇ ಎನ್ನ ಸಾಧನೆಗೆ ಸೋಪಾನ. 

*✍🏽✍🏽ನ್ಯಾಸ....*
ಗೋಪಾಲದಾಸ.
ವಿಜಯಾಶ್ರಮ, ಸಿರವಾರ.

Comments

Post a Comment

Popular posts from this blog

ನಾಗ ಸ್ತೋತ್ರಮ್

-
 *ನಾಗ ಸ್ತೋತ್ರಮ್* ಬ್ರಹ್ಮ ಲೋಕೇ ಚ ಯೇ ಸರ್ಪಾಃ  ಶೇಷನಾಗಃ ಪುರೋಗಮಾಃ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೧॥ ವಿಷ್ಣು ಲೋಕೇ ಚ ಯೇ ಸರ್ಪಾಃ  ವಾಸುಕೀ ಪ್ರಮುಖಾಶ್ಚ ಯೇ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೨॥ ರುದ್ರ ಲೋಕೇ ಚ ಯೇ ಸರ್ಪಾಃ  ತಕ್ಷಕ: ಪ್ರಮುಖಸ್ತಥಾ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೩॥ ಖಾಂಡವಾಸ್ಯ ತಥಾ ದಾಹೇ  ಸ್ವರ್ಗೇ ಚ  ಸಮಾಶ್ರಿತಾಃ |  ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೪॥ ಸರ್ಪ ಸತ್ರೇ ಚ ಯೇ ಸರ್ಪಾಃ  ಆಸ್ತಿಕೇನಾಭಿ ರಕ್ಷಿತಃ |  ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥5॥ ಪ್ರಲಯೇ ಚೈವ್ ಯೇ ಸರ್ಪಾಃ  ಕಾರ್ಕೋಟಕ ಪ್ರಮುಖಶ್ಚಯೇ |  ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥6॥ ಧರ್ಮ ಲೋಕೇ ಚ ಯೇ ಸರ್ಪಾಃ  ವೈತರಣ್ಯಾಂ ಸಮಾಶ್ರಿತಾಃ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೭॥ ಯೇ ಸರ್ಪಾಃ ಪರ್ವತೇ ಯೇಷು  ಧಾರಿ ಸಂಧಿಷು ಸಂಸ್ಥಿತಾಃ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೮...
Read more

ಸತ್ಯಧ್ಯಾನ ವಿದ್ಯಾಪೀಠದ ವಿನೂತನ ಹೆಜ್ಜೆ -Madhwa Idol*

-
Image
 *ಸತ್ಯಧ್ಯಾನ ವಿದ್ಯಾಪೀಠದ ವಿನೂತನ ಹೆಜ್ಜೆ -Madhwa Idol* ಸತ್ಯಧ್ಯಾನವಿದ್ಯಾಪೀಠ ನಾನಾತರಹದ ಪ್ರೋತ್ಸಾಹನೆಗಳ, ವಿವಿಧ ವಿಚಾರಗಳ, ಹೊ ಆವಿಷಗಕಾರಗಳ, ಬಹುಮುಖ  ಕೃತಿಗಳ (ಕಾರ್ಯಗಳ)  ಕೈಗನ್ನಡಿ.  *Madhwa idol* ನೂರಾರು ಹೊಸ ಹೆಜ್ಜೆಗಳಲ್ಲಿ Madhwa idol ಇದೂ ವಿನೂತನ ಹೆಜ್ಜೆ. ಮುಂಬಯಿ ಪ್ರಾಂತದ ನೂರಾರು ಆಸಕ್ತ ಕಲಾಕಾರರುಗಳನ್ನು ಆಕರ್ಷಿಸಿ ಕಲಾಕೃತಿಗಳನ್ನು ನಿರ್ಮಿಸುವದು *Madhwa idol* ಉದ್ಯೇಶ್ಯ.  ವಿಷ್ಣು ಭಕ್ತಿಯನ್ನು ಸಾರುವ, ವಿಷ್ಣುವಿನಲ್ಲಿ ನಿಷ್ಠೆಯನ್ನು ಬೆಳೆಸುವ, ಮನಸ್ಸಿಗೆ ನೆಮ್ಮೆದಿಯನ್ನೂ ಕೊಡುವ, entertainment ಕೊಡುವ, ಸರಿ ದಾರಿಯನ್ನು ಬೋಧಿಸುವ, ಅಹಂಕಾರಗಳಿಗೆ ಕಡಿವಾಣ ಹಾಕುವ, ಹತಾಶಯನ್ನು ಕತ್ತರಿಸುವ, ಜೀವನೋತ್ಸಾಹವನ್ನು ಕೊಡುವ ನೂರಾರು ಹಾಡುಗಳು ಇವೆ. ಆ ಎಲ್ಲ ಹಾಡುಗಳೂ ವೈಷ್ಣವರ ನಾಲಿಗೆಯ ತುದಿಗೆ ಇರಬೇಕು ಇದು ಪರಮಪೂಜ್ಯ  ಪರಮಾಚಾರ್ಯರ ಸಂಕಲ್ಪ. ಸಾಕಾರಮಾಡಿದವರು ಪೂಜ್ಯ ಆಚಾರ್ಯರು. ಯುವಕರ ಕಣ್ಮಣಿಯಾದ  ಪಂ ವಿಶ್ವಪ್ರಜ್ಙಾಚಾರ್ಯರು ಮನೆಮನೆಗೆ, ಮಕ್ಕಳುಮರಿಗಳವರೆಗೂ ತಲುಪುವಂತೆ ಮಾಡುತ್ತಿದ್ದಾರೆ.  *ಪಂ ವಿಶ್ವಪ್ರಜ್ಙಾಚಾರ್ಯರ ಕನಸಿನ ಕೂಸು* ಪಂ ವಿಶ್ವಪ್ರಜ್ಙಾಚಾರ್ಯರು ನಿರಂತರ ಶ್ರಮವಹಿಸಿ, ಆಸಕ್ತಿಯನ್ನು ತೋರಿ, ಪ್ರೋತ್ಸಾಹಿಸಿ, ಶ್ರೀಗಳವರ ಪರಮಾನುಗ್ರಹದ ಬೆಳಕಿನದಾರಿಯನ್ನು ತೋರಿ ನೂರಾರು ಯುವಕ - ಯುವತಿ- ಹಿರಿಯ- ಕಿರಿಯ ಎಲ್ಲರನ್ನೂ ಒಗ್ಗೂಡಿಸಿ...
Read more

*ಚಾತುರ್ಮಾಸ್ಯ ಮಹೋತ್ಸವ - ಮುಂಬಯಿ*

-
Image
 * ಚಾತುರ್ಮಾಸ್ಯ ಮಹೋತ್ಸವ -  ಮುಂಬಯಿ* ಶ್ರೀಸತ್ಯಾತ್ಮತೀರ್ಥರ ಇಪ್ಪತ್ತೊಂಭತ್ತನೇಯ ಹಾಗೂ ಶ್ರೀ ವೇದವರ್ಧನತೀರ್ಥರ ನಾಲ್ಕನೇಯ ಚಾತುರ್ಮಾಸ್ಯ ಮಹೋತ್ಸವ ಅತ್ಯಂತ ವಿಜೃಂಭಣೆಯಿಂದ ನಡೆಯುತ್ತಾ ಸಾಗಿದೆ.  *ಜ್ಙಾನಪ್ರಧಾನ ಚಾತುರ್ಮಾಸ್ಯ* ಮುಂಬಯಿಯ ಈ ಚಾತುರ್ಮಾಸ್ಯದ ಅತ್ಯಂತ ವಿಶೇಷವೇನೆಂದರೆ *ಜ್ಙಾನಪ್ರಧಾನ* ವಾದ ಈ ಚಾತುರ್ಮಾಸ್ಯ. ಇದುವೇ ಅತ್ಯಂತ ವಿಶೇಷ.  "ಸತ್ವ ಸತ್ವ ಮಹಾಸತ್ವ" ಇರುವಲ್ಲಿ ತತ್ವಜ್ಙಾನ ಇರಲೇಬೇಕು. ತತ್ವಜ್ಙಾನವಿದೆ ಎಂದರೆ ಸತ್ವಗುಣದ ವ್ಯಾಪಾರ ಇರಲೇಬೇಕು.  ಬೆಳಿಗಿನ ಝಾವಾ ೫ ಗಂಟೆ ಇಂದ ಎಂಟು ಗಂ ವರೆಗೆ ಪರಮಪೂಜ್ಯ ಶ್ರೀಶ್ರೀಗಳವರಿಂದ ಶ್ರೀಮನ್ಯಾಯಸುಧಾ ಪಾಠ. ಇದೇ ಸಮಯದಲ್ಲಿ ಪೂ ಆಚಾರ್ಯರರಿಂದ ಸುಧಾಪಾಠ. ಎಂಟರಿಂದ ಒಂಭತ್ತರವರೆಗೆ ತತ್ವಪ್ರಕಾಶಿಕಾ ಪಾಠ. ಹತ್ತು ಗಂ ಇಂದ ಹನ್ನೆರಡು ಮೂವತ್ತರ ವರೆಗೆ ಪೂಜೆಯ ಪ್ರಸಂಗದಲ್ಲಿ  ಪಂಡಿತರುಗಳಿಂದ ವಿಶೇಷ ಉಪನ್ಯಾಸ. ನಂತರ ಪೂಜ್ಯ ಆಚಾರ್ಯರಿಂದ ವಿಶೇಷ ತತ್ವ ಉಪನ್ಯಾಸಗಳ ವೈಭವ.  *ಪೂ ಆಚಾರ್ಯರ ತತ್ವೋಪನ್ಯಾಸ* ಆರವತ್ತೈದು ವರ್ಷದ ಹಳೆಯದಾದ ವಿಶೇಷವಾದ ಒಂದು ವೃಕ್ಷ. ಆ ವೃಕ್ಷದಲ್ಲಿ ಒಂದೇ ತೆರನಾದ ಹಣ್ಣುಗಳು ಸಿಗುವಂತಹದ್ದಲ್ಲ ಕಿಂತು ನಾನಾವಿಧ ಪಕ್ವವಾದ ರುಚಿರುಚಿಯಾದ ಮೋಕ್ಷಜ್ಙಾನಕ್ಕೆ ಕಾರಣಾವದ ದಿವ್ಯ  ಹಣ್ಣುಗಳನ್ನು ಕೊಡುವ ಉಣಿಸುವ ವೃಕ್ಷ. ಆ ವೃಕ್ಷ ಮತ್ಯಾವದೂ ಅಲ್ಲ *ಪೂಜ್ಯ ಆಚಾರ್ಯರೆಂಬ ಮಹಾ ವೃಕ್ಷ.* ದತ್ತಸ್ಚಾತಂತ್ರ್ಯ, ...
Read more