*ಬ್ರಹ್ಮಾಂಡದೊಳು ಆರಿಸಿ ನೋಡಲು ನಮ್ಮ ಮನೆಯ ಅನ್ನವೇ ವಾಸಿ ......*

-
*ಬ್ರಹ್ಮಾಂಡದೊಳು ಆರಿಸಿ ನೋಡಲು ನಮ್ಮ ಮನೆಯ ಅನ್ನವೇ ವಾಸಿ ......*

ಅನ್ನದಾನ ನಮ್ಮ ಸತ್ಸಂಪ್ರದಾಯದಲ್ಲಿ ಅನೇಕ ದಾನಗಳಲ್ಲಿ ಅತ್ಯುತ್ತಮ ಎಂದು ಸಾರಿದ ದಾನ. ಅದರ ಜೊತೆಗೆ ಪರಾನ್ನವೂ ಒಳ್ಳೆಯದಲ್ಲ, ಸರ್ವಥಾ  ಹಿತಕಾರಿಯೂ ಅಲ್ಲ ಎಂದು ಅಲ್ಲಲ್ಲಿ ತುಂಬ ಸಾರಿದೆ.

"ಅವರವರ ದೋಷಗಳನ್ನು ಹೊಂದಿಕೊಂಡ, ಅವರವರ ಪಾಪಗಳು, ಅವರು ಕೊಡುವ ಅನ್ನದೊಟ್ಟಿಗೆ   ಉಂಡವನನ್ನು ಸೇರಿಕೊಳ್ಳುತ್ತದೆ. ಹಾಗಾಗಿ ಪರಾನ್ನವನ್ನು ಉಂಡವನು ಆ ಪಾಪಗಳನ್ನು ಕಳೆದುಕೊಳ್ಳುವದಕ್ಕಾಗಿ ನಿತ್ಯ ಗಾಯತ್ರೀ ಮೊದಲಾದ ಜಪಮಾಡುವ ಸತ್ಸಂಪ್ರದಯವೂ ಒಂದಿತ್ತು.  ಇಂದು ...... ???

ತನ್ನತನವನ್ನೇ ಬದಲಾಯಿಸುವಂತಹ ಶಕ್ತಿ ಪರಾನ್ನಕ್ಕೆ ಇದೆ.  ಪರಾನ್ನ ಬಹಳ ವಿಚಿತ್ರ ಶಕ್ತಿ ಹೊಂದಿರುವಂತಹದ್ದು.  ಎಂಥವರನ್ನೂ ಬಗ್ಗಿಸುತ್ತದೆ. ಎಂಥ ಮಹಾ ನಿಷ್ಠುರ ವಾದಿಗಳನ್ನೂ ಬದಲಾಯಿಸಿ ಬಿಡುತ್ತದೆ. ಮಹಾ ಧರ್ಮ ನಿಷ್ಠುರರಿಗೂ ಅತೀ ದೊಡ್ಡ ಅಧರ್ಮಕ್ಕೇ ಸಪೋರ್ಟ ಮಾಡುವಂತೆ ಮಾಡಿಬಿಡುತ್ತದೆ. ನಿದರ್ಶನ ಭೀಷ್ಮ ದ್ರೋಣರೇ...

ಭೀಷ್ಮಾಚಾರ್ಯರು ಯುದ್ಧದ ನಂತರ ಶರಪಂಜರದಲ್ಲಿ ಬಿದ್ದಾಗ ಧರ್ಮರಾಯನಿಗೆ, ಕನಿಷ್ಠ ಆರುನೂರು ಅಧ್ಯಾಗಳಿಂದ ಯುಕ್ತವಾದ, ಸಹಸ್ರಾರು ಧರ್ಮಗಳಿಂದ ಕೂಡಿದ ಸುದೀರ್ಘವಾದ ಶಾಂತಿ ಪರ್ವ, ಅನುಶಾಸನ ಪರ್ವಗಳನ್ನು ಉಪದೇಶಿಸುತ್ತಾರೆ. ಈ ಸುದೀರ್ಘದ ಉಪದೇಶ ಕೇಳಿದ ದ್ರೌಪದಿ ನಸು ನಗುತ್ತಾಳೆ.

ದ್ರೌಪದಿಯ ನಗು ಅಲ್ಲಿ ನೆರೆದ ಪ್ರತಿಯೊಬ್ಬರಿಗೂ ಆಶ್ಚರ್ಯವನ್ನು ತರುತ್ತದೆ. ಉದ್ದೇಶ್ಯ ತಿಳಿಯುವದಾಗುವದಿಲ್ಲ.  ಆದರೆ ಆ ನಗುವಿನ ಮರ್ಮವನ್ನು ಅರಿತ ಭೀಷ್ಮರು ಮಾತ್ರ ಶಾಂತವಾಗಿ ಉತ್ತರಿಸುತ್ತಾರೆ. "ಮಗಳೆ !! ಅಂದು ಆ ದುರ್ಯೋಧನ ಅನ್ನದ ಪ್ರಭಾವದಿಂದ, ಸಭೆಯಲ್ಲಿ ಮೈ ಮರೆತು ಕೂತೆ. ಆದರೆ ಇಂದು ನಿನ್ನ ಗಂಡನ ಒಂದೊಂದು ಬಾಣದಿಂದ ಏನು ಇಷ್ಟೆಲ್ಲ ರಕ್ತ ಸೋರಿದೆ ಆಲ್ಲ, (ಪ್ರತಿ ರಕ್ತದ ಕಣವೂ ದುರ್ಯೋಧನದೇ.) ಅದೆಲ್ಲ ಸೋರಿದ ಕಾರಣಕ್ಕೆ ಇಷ್ಟು ಧರ್ಮವನ್ನು ಉಪದೇಶಿಸುತ್ತಿರುವೆ" ಎಂದು. 

ಆರನೂರು ವರ್ಷ ಜೀವಿಸಿ, ಜೀವನದ ಅರ್ಧದಷ್ಟು ಅಧ್ಯನದಲ್ಲೇ ಮುಳುಗಿದ, ನಿತ್ಯ ಬ್ರಹ್ಮಚಾರಿಯಾದ, ವೇದವ್ಯಾಸರ ತಮ್ಮನಾದ,  ಭೀಷ್ಮಾಚಾರ್ಯರ ಅವಸ್ಥೆ ಇದು. ನಿತ್ಯ ಪರಾನ್ನದಲ್ಲೇ ಮುಳುಗಿದ ನಮ್ಮವಸ್ಥೆ ಇನ್ನೇನಿದೆಯೋ ವಿಚಾರಿಸಬೇಕು.

ಹಾಗಾದರೆ ವರ್ಜ್ಯವಾದ ಪರಾನ್ನ ಯಾವುದು.... ?????

*ಭಗವನ್ನಿವೆದಿತವಾಗದಿರುವ ಅನ್ನವನ್ನು ತಿನ್ನಲೇ ಬಾರದು.*
ಅನ್ನವನ್ನು ನಿಂದಿಸುವನ ಅನ್ನ, ದುರಹಂಕಾರಿಯ ಅನ್ನ, ಕಟುಕ, ಬೇಡ, ನಟ ಇವರುಗಳ ಅನ್ನ. ಮದ್ಯ ಮಾರುವವನ ಅನ್ನ. ಹುಚ್ಚ, ವ್ರಾತ್ಯ, ಲೋಭಿ, ತೆರಿಗೆ ಕಟ್ಟದವನ ಅನ್ನ. ಪತಿತನ ಅನ್ನ. ಅಶುದ್ಧವಾದ ಅನ್ನ. ವೈಶ್ವದೇವ ಇಲ್ಲದ ಅನ್ನ. ಬೇರೆಯವರಿಗೆ ಮೀಸಲಿಟ್ಟ ಅನ್ನ. ಈ ಅನ್ನವನ್ನು ತಿಂದರೆ ತಿಂದವನನ್ನು ಸುಟ್ಟು ಹಾಕುತ್ತದೆ ಎಂದು ವ್ಯಾಸ ಸ್ಮೃತಿ ಹೇಳುತ್ತದೆ.

ಮದವೇರಿದವನ, ಕೋಪಿಷ್ಠನ ಅನ್ನ, ಗರ್ಭ- ಶಿಶು- ಗೋ- ಬ್ರಾಹ್ಮಣರ ಹತ್ಯೆ ಮಾಡಿದ ಅನ್ನ, ಪಾಪಿಗಳು ನೋಡಿದ ಅನ್ನವನ್ನೂ ಸರ್ವಥಾ ತಿನ್ನ ಕೂಡದು.

ಲೋಭಿಯ ಅನ್ನ, ಮಹಾಪಾತಕಿಯ ಅನ್ನ, ವ್ಯಭಿಚಾರಿಯ ಅನ್ನ, ಮೊಸಮಾಡಿ ಘಳಿಸುವವನ ಅನ್ನ,  ಗುರೂಚ್ಛಿಷ್ಟದ ಅನ್ನ, (ಪತಿಯ ಉಚ್ಛಿಷ್ಟ ಪತ್ನಿಗೆ ಬಿಟ್ಟು) ಪರರ ಉಚ್ಚಿಷ್ಟ ಅನ್ನ ಸರ್ವಥಾ ಸೇವಿಸಲೇ ಬಾರದು ಎಂದು ಸ್ಕಾಂದ ಪುರಾಣ ತಿಳಿಸುತ್ತದೆ.

ಕೋಪಿಷ್ಟ, ಕ್ರೂರಿ, ಕುಟಿಲ, ವೇಷಗಾರ, *ಅನ್ನ  ಮಾರುವವನ ಅನ್ನ* ಸರ್ವಥಾ ಸ್ತೀ ಅಧೀನನೇ ಇರುವವನ ಅನ್ನ, ತಿನ್ನಲೇ ಬಾರದು.

ಅರಸನ ಅನ್ನದಿಂದ ವೇದಾಧ್ಯಯನದಿಂದ ಉಂಟಾದ ಬ್ರಹ್ಮ ತೇಜಸ್ಸಿನ ನಾಶ. ಸ್ವರ್ಣಕಾರನ‌ ಅನ್ನದಿಂದ ಆಯುರ್ವಿನಾಶ. ಬಡ್ಡಿಯಿಂದ ಜೀವಿಸುವವನ ಅನ್ನ ಹೊಲಸಿಗೆ ಸಮ. ಹೀಗೆ ನಾನಾ ತರಹದ ಅನ್ನವನ್ನು ನಿಷೇಧಿಸುತ್ತದೆ ಶಾಸ್ತ್ರ. ಇನ್ನೂ  ದೊಡ್ಡ ಲಿಸ್ಟ ಇದೆ. ಅನೇಕ ಬಿಟ್ಟಿದ್ದೇನೆ. ಕೆಲವು ಹೇಳಿದ್ದೇನೆ. ಅನೇಕ ಹೇಳುವಂಥದ್ದೂ ಇವೆ ಮತ್ತೆ ತಿಳಿದುಕೊಳ್ಳೋಣ.....

ಆದ್ದರಿಂದ *ಬ್ರಹ್ಮಾಂಡದಲಿ ಆರಿಸಿ ನೋಡಲು ನಮ್ಮ ಮನೆಯನ್ನವೇ ವಾಸಿ.*

 *ದೇವರಿಗೆ ನೈವೇದ್ಯದ ಅನ್ನವೇ ಸರ್ವೋತ್ತಮ, ಪರಿಶುದ್ಧ ಅನ್ನ.* ಅದಾಗದಿದ್ದರೂ ನಮ್ಮ ಮನೆಯ ಅನ್ಮವನ್ನೇ ಉಣ್ಣುವ ಸತ್ಸಂಕಲ್ಪವಾದರೂ ಮಾಡಲೇ ಬೇಕಿದೆ ಇಂದು.

*ಸಂ. ✍🏽✍🏽 ನ್ಯಾಸ....*
ಗೋಪಾಲದಾಸ.
 ವಿಜಯಾಶ್ರಮ, ಸಿರವಾರ.

Comments

Shamala R said…
ಸತ್ಯವಾದ ಮಾತು.. ನಮ್ಮ ಮನೆಯ ಅನ್ನವನ್ನು ಉಣ್ಣುವಾಗಲೂ ಇಂತಿಷ್ಟೇ ಎಂದು ನಿಗಧಿ ಮಾಡಿ ಉಂಡರೆ ಅದು ನಮಗೇ ಹಿತಕಾರಿ...ಅಲ್ಲವೇ ಆಚಾರ್ಯರೇ??
22 August 2022 at 09:30
Post a Comment

Popular posts from this blog

ನಾಗ ಸ್ತೋತ್ರಮ್

-
 *ನಾಗ ಸ್ತೋತ್ರಮ್* ಬ್ರಹ್ಮ ಲೋಕೇ ಚ ಯೇ ಸರ್ಪಾಃ  ಶೇಷನಾಗಃ ಪುರೋಗಮಾಃ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೧॥ ವಿಷ್ಣು ಲೋಕೇ ಚ ಯೇ ಸರ್ಪಾಃ  ವಾಸುಕೀ ಪ್ರಮುಖಾಶ್ಚ ಯೇ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೨॥ ರುದ್ರ ಲೋಕೇ ಚ ಯೇ ಸರ್ಪಾಃ  ತಕ್ಷಕ: ಪ್ರಮುಖಸ್ತಥಾ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೩॥ ಖಾಂಡವಾಸ್ಯ ತಥಾ ದಾಹೇ  ಸ್ವರ್ಗೇ ಚ  ಸಮಾಶ್ರಿತಾಃ |  ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೪॥ ಸರ್ಪ ಸತ್ರೇ ಚ ಯೇ ಸರ್ಪಾಃ  ಆಸ್ತಿಕೇನಾಭಿ ರಕ್ಷಿತಃ |  ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥5॥ ಪ್ರಲಯೇ ಚೈವ್ ಯೇ ಸರ್ಪಾಃ  ಕಾರ್ಕೋಟಕ ಪ್ರಮುಖಶ್ಚಯೇ |  ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥6॥ ಧರ್ಮ ಲೋಕೇ ಚ ಯೇ ಸರ್ಪಾಃ  ವೈತರಣ್ಯಾಂ ಸಮಾಶ್ರಿತಾಃ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೭॥ ಯೇ ಸರ್ಪಾಃ ಪರ್ವತೇ ಯೇಷು  ಧಾರಿ ಸಂಧಿಷು ಸಂಸ್ಥಿತಾಃ । ನಮೋಸ್ತು ತೇಭ್ಯಃ ಸುಪ್ರೀತಾಃ   ಪ್ರಸನ್ನಾಃ ಸಂತು ಮೇ  ಸದಾ ॥೮...
Read more

ಸತ್ಯಧ್ಯಾನ ವಿದ್ಯಾಪೀಠದ ವಿನೂತನ ಹೆಜ್ಜೆ -Madhwa Idol*

-
Image
 *ಸತ್ಯಧ್ಯಾನ ವಿದ್ಯಾಪೀಠದ ವಿನೂತನ ಹೆಜ್ಜೆ -Madhwa Idol* ಸತ್ಯಧ್ಯಾನವಿದ್ಯಾಪೀಠ ನಾನಾತರಹದ ಪ್ರೋತ್ಸಾಹನೆಗಳ, ವಿವಿಧ ವಿಚಾರಗಳ, ಹೊ ಆವಿಷಗಕಾರಗಳ, ಬಹುಮುಖ  ಕೃತಿಗಳ (ಕಾರ್ಯಗಳ)  ಕೈಗನ್ನಡಿ.  *Madhwa idol* ನೂರಾರು ಹೊಸ ಹೆಜ್ಜೆಗಳಲ್ಲಿ Madhwa idol ಇದೂ ವಿನೂತನ ಹೆಜ್ಜೆ. ಮುಂಬಯಿ ಪ್ರಾಂತದ ನೂರಾರು ಆಸಕ್ತ ಕಲಾಕಾರರುಗಳನ್ನು ಆಕರ್ಷಿಸಿ ಕಲಾಕೃತಿಗಳನ್ನು ನಿರ್ಮಿಸುವದು *Madhwa idol* ಉದ್ಯೇಶ್ಯ.  ವಿಷ್ಣು ಭಕ್ತಿಯನ್ನು ಸಾರುವ, ವಿಷ್ಣುವಿನಲ್ಲಿ ನಿಷ್ಠೆಯನ್ನು ಬೆಳೆಸುವ, ಮನಸ್ಸಿಗೆ ನೆಮ್ಮೆದಿಯನ್ನೂ ಕೊಡುವ, entertainment ಕೊಡುವ, ಸರಿ ದಾರಿಯನ್ನು ಬೋಧಿಸುವ, ಅಹಂಕಾರಗಳಿಗೆ ಕಡಿವಾಣ ಹಾಕುವ, ಹತಾಶಯನ್ನು ಕತ್ತರಿಸುವ, ಜೀವನೋತ್ಸಾಹವನ್ನು ಕೊಡುವ ನೂರಾರು ಹಾಡುಗಳು ಇವೆ. ಆ ಎಲ್ಲ ಹಾಡುಗಳೂ ವೈಷ್ಣವರ ನಾಲಿಗೆಯ ತುದಿಗೆ ಇರಬೇಕು ಇದು ಪರಮಪೂಜ್ಯ  ಪರಮಾಚಾರ್ಯರ ಸಂಕಲ್ಪ. ಸಾಕಾರಮಾಡಿದವರು ಪೂಜ್ಯ ಆಚಾರ್ಯರು. ಯುವಕರ ಕಣ್ಮಣಿಯಾದ  ಪಂ ವಿಶ್ವಪ್ರಜ್ಙಾಚಾರ್ಯರು ಮನೆಮನೆಗೆ, ಮಕ್ಕಳುಮರಿಗಳವರೆಗೂ ತಲುಪುವಂತೆ ಮಾಡುತ್ತಿದ್ದಾರೆ.  *ಪಂ ವಿಶ್ವಪ್ರಜ್ಙಾಚಾರ್ಯರ ಕನಸಿನ ಕೂಸು* ಪಂ ವಿಶ್ವಪ್ರಜ್ಙಾಚಾರ್ಯರು ನಿರಂತರ ಶ್ರಮವಹಿಸಿ, ಆಸಕ್ತಿಯನ್ನು ತೋರಿ, ಪ್ರೋತ್ಸಾಹಿಸಿ, ಶ್ರೀಗಳವರ ಪರಮಾನುಗ್ರಹದ ಬೆಳಕಿನದಾರಿಯನ್ನು ತೋರಿ ನೂರಾರು ಯುವಕ - ಯುವತಿ- ಹಿರಿಯ- ಕಿರಿಯ ಎಲ್ಲರನ್ನೂ ಒಗ್ಗೂಡಿಸಿ...
Read more

*ಚಾತುರ್ಮಾಸ್ಯ ಮಹೋತ್ಸವ - ಮುಂಬಯಿ*

-
Image
 * ಚಾತುರ್ಮಾಸ್ಯ ಮಹೋತ್ಸವ -  ಮುಂಬಯಿ* ಶ್ರೀಸತ್ಯಾತ್ಮತೀರ್ಥರ ಇಪ್ಪತ್ತೊಂಭತ್ತನೇಯ ಹಾಗೂ ಶ್ರೀ ವೇದವರ್ಧನತೀರ್ಥರ ನಾಲ್ಕನೇಯ ಚಾತುರ್ಮಾಸ್ಯ ಮಹೋತ್ಸವ ಅತ್ಯಂತ ವಿಜೃಂಭಣೆಯಿಂದ ನಡೆಯುತ್ತಾ ಸಾಗಿದೆ.  *ಜ್ಙಾನಪ್ರಧಾನ ಚಾತುರ್ಮಾಸ್ಯ* ಮುಂಬಯಿಯ ಈ ಚಾತುರ್ಮಾಸ್ಯದ ಅತ್ಯಂತ ವಿಶೇಷವೇನೆಂದರೆ *ಜ್ಙಾನಪ್ರಧಾನ* ವಾದ ಈ ಚಾತುರ್ಮಾಸ್ಯ. ಇದುವೇ ಅತ್ಯಂತ ವಿಶೇಷ.  "ಸತ್ವ ಸತ್ವ ಮಹಾಸತ್ವ" ಇರುವಲ್ಲಿ ತತ್ವಜ್ಙಾನ ಇರಲೇಬೇಕು. ತತ್ವಜ್ಙಾನವಿದೆ ಎಂದರೆ ಸತ್ವಗುಣದ ವ್ಯಾಪಾರ ಇರಲೇಬೇಕು.  ಬೆಳಿಗಿನ ಝಾವಾ ೫ ಗಂಟೆ ಇಂದ ಎಂಟು ಗಂ ವರೆಗೆ ಪರಮಪೂಜ್ಯ ಶ್ರೀಶ್ರೀಗಳವರಿಂದ ಶ್ರೀಮನ್ಯಾಯಸುಧಾ ಪಾಠ. ಇದೇ ಸಮಯದಲ್ಲಿ ಪೂ ಆಚಾರ್ಯರರಿಂದ ಸುಧಾಪಾಠ. ಎಂಟರಿಂದ ಒಂಭತ್ತರವರೆಗೆ ತತ್ವಪ್ರಕಾಶಿಕಾ ಪಾಠ. ಹತ್ತು ಗಂ ಇಂದ ಹನ್ನೆರಡು ಮೂವತ್ತರ ವರೆಗೆ ಪೂಜೆಯ ಪ್ರಸಂಗದಲ್ಲಿ  ಪಂಡಿತರುಗಳಿಂದ ವಿಶೇಷ ಉಪನ್ಯಾಸ. ನಂತರ ಪೂಜ್ಯ ಆಚಾರ್ಯರಿಂದ ವಿಶೇಷ ತತ್ವ ಉಪನ್ಯಾಸಗಳ ವೈಭವ.  *ಪೂ ಆಚಾರ್ಯರ ತತ್ವೋಪನ್ಯಾಸ* ಆರವತ್ತೈದು ವರ್ಷದ ಹಳೆಯದಾದ ವಿಶೇಷವಾದ ಒಂದು ವೃಕ್ಷ. ಆ ವೃಕ್ಷದಲ್ಲಿ ಒಂದೇ ತೆರನಾದ ಹಣ್ಣುಗಳು ಸಿಗುವಂತಹದ್ದಲ್ಲ ಕಿಂತು ನಾನಾವಿಧ ಪಕ್ವವಾದ ರುಚಿರುಚಿಯಾದ ಮೋಕ್ಷಜ್ಙಾನಕ್ಕೆ ಕಾರಣಾವದ ದಿವ್ಯ  ಹಣ್ಣುಗಳನ್ನು ಕೊಡುವ ಉಣಿಸುವ ವೃಕ್ಷ. ಆ ವೃಕ್ಷ ಮತ್ಯಾವದೂ ಅಲ್ಲ *ಪೂಜ್ಯ ಆಚಾರ್ಯರೆಂಬ ಮಹಾ ವೃಕ್ಷ.* ದತ್ತಸ್ಚಾತಂತ್ರ್ಯ, ...
Read more